Poetry Zone

Saturday, December 25, 2010

Karta Hun Jamaa Mai To Bikharti Hai Zaat Aur

Baqi Hai Kitni Ae Mere Maula, Yeh Raat Aur

Leti Hai Jalti Shaam Bhi Bujhne Mai Kuch To Waqt

Hai Aadmi Sa Koi Kahan Be-Sabaat Aur

Selaab Jese Leta Hai Deewar Ke Qadam

Karta Hai Gham Bhi Dil Se Koi Vaardaat Aur

Yun To Hazoor-E-Paak(Saw) Ke Laakhon Hain Madah-Khuaah

Taaib Si Likh Raha Hai Magar Kon Naat Aur

Mazhar, Azal Ke Husn Ke Amjad Hain Be-Shumaar

Lekin Jo Dekhiye To Hai Barish Ki Baat Aur

Teri Nigah Ke Jaadoo Bikhartey Jate Hain

Jo Zakhm Dil Ko Miley The Wo Bhartey Jate Hain

Tere Baghair Wo Din Bhi Guzar Gaye Akhir

Tere Baghair Yeh Din Bhi Guzarty Jate Hain

Liye Chalo Mujhe Dariya-E-Shauq Ki Maujon!

Ke Humsafar To Mere Paar Utartey Jate Hain

Tamam Umr Jahan Hanstey Kheltey Guzri

Ab Us Gali Mai Bhi Hum Dartey Dartey Jate Hain

Mai Khuwahishon Ke Gharondey Banaaye Jata Hun

Wo Mehnatein Meri Barbaad Kiye Jate Hain

Saqi Bas Aik Nazar Jaam Se Pehly pehly

Hum Ko Jana Hai Kahin Shaam Se Pehly Pehly,

Khush Ho Ay Dil Keh" Muhabbat To Nibha Di Tu Ne

Log Ujar Jaty Hain Anjaam Se Pehly Pehly,

Ab Tere Zikar Pe Hum Baat Badal Dete Hain

Kitni Ragbat Thi Tere Naam Se Pehly Pehly,

Samny Umar Pari Hai Shab-E-Tanhaie Ki

Wo Muje Chhor Geya Shaam Se Pehly Pehly,

Kitna Achha Tha Keh" Hum Bhi Jiya Karty Thy Saqi

Ghair Maroof Se" Gumnaam Se Pehly Pehly !